يا نبيلة .. في انتظارك

[فُـــتـــآآآت]

كل حاجة يانبيلة في انتظارك

الوطن .. والناس .. و أنا في انتظارك

والطريق العام .. والباب الرئيسي .. والممر .. وقبضة السلم .. ودارك .. !!

كل أبونا .. يانبيلة بانتظارك ..


لو تشوفيني شلون أمشي ويديني في جيبي ..

أنا و أحزاني وطيبي ..

كان .. ماخذتي قرارك ..!

كان .. مارحتي .. و لا قلتي ترى .. مانت بحبيبي

ياخساره عمريَ المظلوم والا .. يا انتصارك ..



رحتي و أخذتي معاك أبسط تفاصيل الحياة

يامزعلة البنات

سحقًا لكل البنات

أنا ميت فيك .. ايش ميت فيك .. !!؟

انتِ فيك حتى الموت .. مات ..

ياجنونك .. يا انتشارك



مريّ اف شارعك الأول يالغلا الأول و طوفي

بس شوفي ..

من وقف على عيونه فانتظارك ..

من بعد ماخنتِ وخانوا كثير أحباب .. يوفي

هم هم ..

رابطة جمهورك المتعصب لطلة نهارك

أنا .. وطيور القفص .. و الباب و أشجارك .. وجارك


انتِ أم الحسن و أم العاطفة وحنا صغارك

فلا تلومينا ليا منَّا وقفنا في انتظارك ..


اطغي اطغي .. خلي الغابات تتسلف خضارك ..

بس .. تترك اصفرارك ..

لابتسامات المجامل ... ولوقارك

واتركي لعشاقك الموتى .. حمارك

أو بالأحرى .. . احمرارك ..!!


لا تلومينا ..

مجانينك نحبك

لا طغيتي ..

لا زعلتي ..

لا حكيتي ..

لا مشيتي ..

انتِ مسكينة .. ومظلومة .. ومعذورة ليا منك نسيت ِ ..!!


لأنك .. انتي اللي فقط .. .

ماشفتي نفسك ... لامشيتي ،،

لأنك انتي اللي فقط .. .


ماشفتي نفسك .. لا حكيتي ..!!


يادمارك

ياوقوف العالم الثالث .. على شُُرفة زرارك


مادريتي ؟ !!

طيب ادري يانبيلة .. كانك اليا الحين فعلاً .. ما دريتي ،،

انتِ أكبر مشكلة .. تواجه الشعب الكويتي


انتِ مثل الظلم و الاجحاف .. بس انتِ .. لئيمة ..

هم طبيعتهم عدائيين .. بس انتِ .. رحيمة ..

مابدر منك جريمة

انتِ بالفطرة .. بدون سلاح ومقاتل .. جريمة !!

و أنا بالفطرة أحبك ياعظيمة ..

بذبولك .. وازدهارك .. .وانصهارك


:

يا نبيلة أنا حاليًّا ترى ... ماني سعيد

ماعرف للعيد يوم

وماعرف لليوم .. . عيد

غايب وروحي جوارك
أنقذيني .. كل ماوزني نقص .. حبك يزيد

أنقذيني صرت أكلم نفسي ونفسي .. تعيد

كنَّا أول في انتظارك
أنا .. وطيور القفص .. والباب .. و أشجارك .. وجارك

كلهم راحوا .. و ملُّوا ..


كلهم راحووا وخلوني لحالي .. في انتظارك


أنا حاليًّا وحيد ..

أنا حاليًّا معيد ..

لا مزيــــــد..

و لا جديـــــد ..

إلا إني أسولف مع الأخ .. انتظارك ..

عند دارك ..

على كرسي انتظارك

أجلس أنا و انتظارك ..

في انتظارك .. !!!

سعد علوش ،

[هطووول]

سعـــــد علـــــــوش كعادته مبدع بانتقاء الكلامات مبدع بالوصف

صح لسانه

وسلمت يداك على النقل الراقي

دمت بود

[فُـــتـــآآآت]

أهلاً هطووول ..

تذوق الإبداع .. من أمثالِ سعد ..

ممتعٌ جدًّا ..

أرجوا أن تكوني مستمتعة .. بما أحضر ..


شكرًا .. كهطووولكِ ..


لكِ الخير :)

[Blue rose]

صح لسان قايلها وصح لسان ناقلها ،،


الف شكر فتوووت على الموضوع ،،

بالتوفيق ،،

[فُـــتـــآآآت]

صح بدنك بلو روز ...

أهم شي تكون نالت إعجابك ..


و هلا بك ..


:)

[ديرة فرح]

انتِ مسكينة .. ومظلومة .. ومعذورة ليا منك نسيت ِ ..!!


لأنك .. انتي اللي فقط .. .

ماشفتي نفسك ... لامشيتي ،،

لأنك انتي اللي فقط .. .


ماشفتي نفسك .. لا حكيتي ..!!


\


حسآآآآس هالانسآآآآن


والاجمل من هالاحساس انتقائك ~

فتات ..

شكراً بحجم حبي لنصوص سعد ..


.

ودي

[حبر وورق]

شـكــ وبارك الله فيك ـــرا لك ... لك مني أجمل تحية .


نقل جميل لشاعر جميل

لكي مني كل الشكر